كل البنات حالة.. شعر لمحمد زهران

كل البنات حالة.. شعر لمحمد زهران

كل البنات حالة

 إلا انت ِ حدوتة

كل البنات كبرت

 إلا انت قطوطة

وادى الشجر ناشف

والفاكهة مش موسم

و انت ِ اللي  محظوظة  

يارب سبحانك

ع الخد دا مانجة

والخد دا توتة

قرّبت من سورك

خدتيني  لبحورك

سلمتلك أمري

وايديا مربوطة

كل البنات حالة

وانت اللي حدوتة

يا زهرة السنبل

ياوردة فوّاحة

قلبي عجوز شايب

بالراحة بالراحة

مهما البنات جنبك

انت اللي في الساحة

جميز وتفاحة

بلقيس علي زنوبيا

في الشكل مخلوطة

كل البنات حالة

إلا انت حدوتة

اترك تعليقاً