auhv

داليا البحيري تعلن إصابة زوجها بـ كورونا

1771 مشاهد

أعلنت الفنانة داليا البحيري إصابة زوجها "حسن سامي" بفيروس كورونا المستجد.

وكتبت "البحيري" عبر حسابها على موقع فيس بوك: "أنا هبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللي علينا وزيادة، حافظنا وقاعدنا في البيت وعقمنا وطهرنا وشجبنا اللي نزل انطلق واتفسح، وأنا والحمد لله راضية جدا بقضاء ربنا سبحانه وتعالى".

وأضافت: "حسن جوزي وحبيبي طلع إيجابي كورونا ڤيروس، وربنا يشفيه ويعافيه يا رب، إحنا كلنا عاملنا مسحات، أنا والأولاد واللي بيساعدونا في البيت عشان نطمن لأننا كنا مخالطين لحسن، وبإذن الله نعرف النتيجة بكرا بالليل، وربنا يجيب العواقب سليمة يا رب".

وتابعت: "أنا بقول الكلام ده ليه؟ عشان أي حد لازم يعمل كده لازم يقول وبكل وضوح عشان الناس اللي كانت مخالطة ليهم يعرفوا ويطمنوا على نفسهم، لأن دي أمانة، والمرض مش حاجة الواحد يخجل منها، بشكر كل اللي اتكلم يطمن على حسن وعلينا، وآسفة إن إحنا مش لاحقين نرد عشان متكركبين وبنشوف هنعمل إيه".

واختتمت: "دعواتكم لحسن بالشفاء العاجل ودعواتكم لينا إننا نكون بخير، ألف شكر، وربنا يسلمكم جميعا ويحفظكم من كل شر".

وكانت وزارة الصحة والسكان قد سجلت أمس الأحد 1618 إصابة جديدة بفيروس كورونا المستجد، فضلا عن 91 حالة وفاة.

إعلانات

إعلانات