auhv

أبيات شعرية.. «الرغبه بتقل»

المصدر: ناصر دويدار
1699 مشاهد

الرغبه بتقل

الألم بياخد مكانه ليلاتي ف الوجدان

الأنتظار شوك ف زور الوقت

الحكايه بوّخت

بوّخت خالص

وأنا في المفترق

بنادي...

يااااااا......

ياااااااااا......

يااااااااااااا.....

ضاع النِدا ف الهوا المسافر

لاشئ...بيغري أستمرارالعازف يحضن الكمنجه

تزعق...يزعق

تصرخ....يصرخ

تعيط....يعيط

تواسي...يطبطب

تدبدب...يدبدب

تخش حرب خسرانه

ينهزم

أو يتأسر فارس بإيد فيران

يتعذب بكرباج صراصير

يموت موته ماتليقش بالابطال

زمن الحثاله..أنتصر

علي قلب عصفور

علي ضحكه برئ

علي نسمه ليلة صيف

أعتزل مايأذيك

لملم بواقي اللي منك

خٔلق فيه النفس

رجفه ف قلبك مش مرض مزمن

عرض ....

نوبه وحتعدي

العالم أصبح سئ

والكون بيزداد سوء

جيت غلط

وأستمريت غلط

أعتزل كل اللي حبتهم

وحبوك

وغمض دماغك

ادي ضهرك للجميع

وضل السبيل

الكون بقي موبوء

وإنت وحداني في زنقة ممر

غمض دماغك

وخليك حر

وأعتزل....مايأذيك

الكون......تجربه وماتت فيك

الرغبه بتقل

والاكسوجين بيقل

والسلام بيقل

والحرب ع الابواب براسها بتطل

اعتزل...

ما

يأذيك

وأفتح ف روحك

ممرات...تعديك!!!!