auhv

فى الوريد..حوار مع العم

المصدر: د. خالد فؤاد
1960 مشاهد

عايز تنورنى... عايز تفهمنى.. عفارم عليك

أنا أصلى طول عمرى أحب أبجى فهمان وأتنور وأبجى عارف كل حاجة

بس عايز اجولك.. أوعى تجرا من صحافة اللى بالى بالك.. وترجع تجولى أهو كيف ماجولتلك

أو يكون مصدرك إشاعة أو وشاية.. لا أنت شوفته ولا عرفته.. والأكادة إنك بتحلف.. كيف ما تكون بطل الرواية.

يابن بلدى أوعى تفتى.. لحسن خلاص.. يكفينا ميت مليون فتاية..

اللى شوفته جولى شوفته... واللى مش عارفه برضه جول.. مهو مش عيب إنى اجول الله أعلم..

 العيب بجد إنى أجول انى عارف.. وأنا بالموضوع لا سامع ولا شايف..

مصر يا وليدى كبيرة... والحمل مرة ثجيل... يلا ساعد فى الحمولة.. زج زجة معانا تمشى.. والسفينة يوم هترسى..

واوعاك تشد عكس.. لحسن الحصان هيبرك.. ده الطريج لسة طويلة.. والسفينة ساعتها تغرج.. بيك وبينا..

دور يا ولدى عالحجيجة.. بالطريجة اللى تريدها.. بس خشمك ده. ما ينطج بحرف غير اللى شوفته أو عرفته وتأكدت منه..

ما هو لو كل واحد فينا دور.. بس صحيح بجد دور.. البلد دى راح تزهزه وراح تنور.. بالحقيقة بس نحيا.. بالإشاعة راح نموت..

يابن بلدى لسة عندنا فرصة ننجى.. لسة عندنا فرصة نعيش.. بلاها لكاعة.. لحسن الجطر يفوت..

 

 

////////////////
لا توجد تعليقات حتى الآن، لماذا لا تكتب واحد؟
///////////

إعلانات